Advertisement 
|
ओलीको विपक्षमा काँग्रेसको दुई सय सात, माओवादीको ८२, फोरम लोकतान्त्रिकको, १३, राप्रपाको १२, तमलोपाको ११, सद्भावनाको ५, तमसपाको ३, तरुहट तराई पार्टीको २, अन्य नौ गरी जम्मा ३ सय ४४ सिट ।
काठमाडौं । साउनको पहिलो साताभित्र मुलुकले नयाँ प्रधानमन्त्री पाउने सम्भावना बढेको छ । सत्ताको एउटा घटक माओवादी केन्द्रले प्रधानमन्त्री केपी ओलीको विकल्प खोज्ने औपचारिक निर्णय गरेपछि साउन पहिलो साताभित्रै नयाँ सरकारको सम्भावना देखिएको हो ।
सरकारको विकल्प खोज्न माओवादीको हालै सम्पन्न बैठकले अध्यक्ष प्रचण्डलाई प्राधिकार दिएको छ । संसदमा ८२ सिट रहेको सत्ताको दोस्रो ठूलो दल माओवादी केन्द्रले विकल्प खोज्ने निर्णय गरेका कारण ओली नेतृत्वको सरकारको दिनगन्ती सुरु भएको हो ।
तर कस्तो विकल्प भन्नेबारे अन्यौल यथावत रहेको छ । प्रमुख प्रतिपक्षी दल नेपाली काँग्रेसको सहयोगबिना माओवादीले विकल्प दिनसक्ने अवस्था छैन । नेपाली काँग्रेसले माओवादीको यो निर्णयबारे अहिले सम्म कुनै प्रतिक्रिया दिएको छैन ।
काँग्रेसले तत्कालै कुनै प्रतिक्रिया नदिनुको कारण हो, गत बैशाखको दोस्रो साता माओवादीबाट पाएको धोका । बैशाखको दोस्रो साता माओवादीले प्रधानमन्त्री ओलीको विकल्पमा आफ्नो नेतृत्वमा सरकार गठन गर्ने निर्णय गर्दै सहयोगका लागि नेपाली काँग्रेससँग याचना गरेको थियो, त्यसमा काँग्रेसले पनि सहमति दिएको थियो ।
सो सहमतिपछि माओवादी अध्यक्ष प्रचण्डको नेतृत्वमा सरकार गठन गर्ने विषयमा छलफल भयो । यो छलफललाई माओवादीले एमालेसँगको बार्गेनिङ कार्डका रुपमा प्रयोग गरेको थियो । आजको तरुण साप्ताहिकमा समाचार छ ।
0 comments
प्रतिक्रिया दिनुहोस्...